Хубсаһан тухай хөөрөөн

 

Юля басаган үлзы һайхан Ярууна нютагһаа

Үндэһэн хубсаһаяа харуулхаяа

Шэнэ маягаар эсхэһэн

Буряад маяг оруулһан

Гоёхон хубсаһа харуулхаяа

Зорижо ерээд байнал даа.

 

Дархита уулын хормойдо

Нарһата нуурай эрьедэ

Бидэ байдаг гүбди даа.

Зүб гү, Соелма абгай?

 

Зүб, зүб, дүүхэмни

Элинсэг абанарнай ангууша

Эжынэрнай булта оёдолшо

Энэ дэлхэй дээрэ эгээл гоё хубсаһа

Эсхэжэ, оёжо ябаа ха юм.

 

Хубсаһан бүгэдэнь таабаритай

Хэһэг бүринь удхатай.

Ухаатай зон байгаа байна,

Тиимэ гү Бэлигма абгай?

 

Тиимэ-э. Харыш даа,

Рисунок6

Жэшээнь: Малгай  Б-М. Зыдрабынай зураг

Абын хүбүүдэй тоогоор арбан нэгэн хүшөөдэһэтэй.

Алтан шара дэнзэтэй, гал улаан залаатай,

Үмдэһэн эзэндээ заяатай

Халюун, хурьган, шэлүүһэн,

Хилэн торгон хүбөөтэй

Хори буряадай малгай лэ

 

Малгайгаа доогуур хаяхагүй гээшэмнай энэ ха юм,

Мүнөөл ойгобоб.

 

Абгай, минии баабайн хубсаһан тухай намдаа хөөрэжэ үгыш даа

Рисунок5

 Ц. Сампиловай зураг

 

Эрэ хүнэй үмдэдэг

Һомон дэгэл заатагүй

Энгэртэй, туруутай, захатай,

Заабол долоон тобшотой

Байха ёһотой гэдэг юм.

Утаһан бүһэдэнь углаатай

Мүнгэн хутага, хэтэ

Хүн бүхэнэйнь гоёолто –

Хүсэ шадалайнь гэршэ юм.

 

Абгай, абгай

Эрмэгтэй гуталнайшье шантайхадаад,

Эхэ газараа һэндээхэгүйн түлөө ха юм.

 

Оо! Бэрхэш даа, дүүмни,

Олон юумэ мэдэнэлши.

Рисунок4

 Б-М. Зыдрабынай зураг

Абгаймни хэлыш, минии эжын дэгэл

Юундэ минии дэгэлһээ ондоо бэ?

 

Һамган дэгэл

Һара нарандал гэшхэдэлтэй,

Һамгад баһал һайхан.

Һамган дэгэлынь сээжэтэй,

Хормойнь олон хуняаһатай,

Бурхан шажантай холбоотой,

«Ганжуурай» зуун найман ботиин тоотой.

Хамсынь туруу, тохойтой

Булхагар ехэ булуубшатай,

Уужань баһал удхатай.

Хонин хурьган дотортой.

Хүйтэнһөө аршалха ёһотой

— Хилэн, шэршүү торгон,

Даалимба, һарьмай дэгэлынь

Хүн зоной шадалһаа,

Баян бүдүүн байдалһаань.

 

 

Үшөө би мэдэхэб,

Хүүхэд, үхид, басагад

Хоёр янзын дэгэл

Холын сагһаа үмдэдэг.

Һомон дэгэл — нэгэдэхинь.

Басаган дэгэл — хоёрдохинь.

Басаган дэгэлынь һамгадһаа

Булуубшаараал илгаатай.

 

Зай, дүүхэмни,

Иигэд гээд, дүүргэе даа.

Шүрэ мүнгэн гоёолтоо

Шэнхинүүлэн һайрхаял,

Үндэһэн буряад хубсаһаяа

Үгын һайнаар магтаял.

(Ц-Х. Жамьянова)

Социальна сетьнүүд соо хубаалдаха

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>